Top Post Ad

खादी व ग्रामोद्योग उत्पादनांचे Mumbai महानगरपालिका मुख्यालयात प्रदर्शन

स्थानिक कारागीर व उद्योजकांना हक्काची बाजारपेठ उपलब्ध महाराष्ट्र राज्य खादी व ग्रामोद्योग मंडळाच्या वतीने बृहन्मुंबई महानगरपालिका मुख्यालयातील उपहारगृहात खादी व ग्रामोद्योग उत्पादनांचे प्रदर्शन आयोजित करण्यात आले आहे. बृहन्मुंबई महानगरपालिकेचे सभागृहनेते श्री. गणेश खणकर यांच्या हस्ते आणि महाराष्ट्र राज्य खादी व ग्रामोद्योग मंडळाचे सभापती (राज्यमंत्री दर्जा)  रवींद्र साठे यांच्या प्रमुख उपस्थितीत मंगळवार, दिनांक १३ ऑक्टोबर  रोजी या प्रदर्शनाचे उद्घाटन करण्यात आले. 


हे प्रदर्शन गुरुवार, दिनांक १५ ऑक्टोबर  पर्यंत सुरू राहणार आहे. या प्रदर्शनात खादीचे शर्ट, कुर्ते, जॅकेट, हातमागावर विणलेल्या साड्या, मध, साबण, तेल, कोल्हापुरी चप्पल, कारागिरांनी हाताने तयार केलेले दागिने तसेच महिला बचत गटांनी बनविलेले विविध खाद्यपदार्थ विक्रीसाठी उपलब्ध आहेत. खादी व ग्रामोद्योगांच्या माध्यमातून तयार होणाऱ्या विविध उत्पादनांना व्यापक बाजारपेठ मिळवून देणे आणि स्थानिक उत्पादकांना ग्राहकांशी जोडणे, हा या प्रदर्शनामागील प्रमुख उद्देश आहे.

सभागृहनेते  गणेश खणकर म्हणाले की, खादी व ग्रामोद्योगांना प्रोत्साहन देण्यासाठी तसेच ग्रामीण भागातील कारागीर आणि उद्योजकांनी तयार केलेल्या उत्पादनांना व खादी वस्त्रांना हक्काची बाजारपेठ उपलब्ध करून देण्यासाठी बृहन्मुंबई महानगरपालिकेने पुढाकार घेतला आहे. स्थानिक कारागीर, लघुउद्योजक आणि पारंपरिक व्यवसाय करणाऱया घटकांना आर्थिकदृष्ट्या सक्षम करण्याच्या दृष्टीने हा उपक्रम महत्त्वपूर्ण ठरणार आहे. महानगरपालिका अधिकारी व कर्मचाऱयांनी खादी वस्त्रे तसेच ग्रामोद्योगांतर्गत तयार होणाऱया विविध उत्पादनांचा वापर करण्यास प्राधान्य द्यावे. या उत्पादनांची खरेदी करून स्थानिक कारागीर व उद्योजकांना प्रोत्साहन द्यावे, असे आवाहनही  खणकर यांनी केले.

 खादी व ग्रामोद्योगांच्या उत्पादनांना अधिकाधिक ग्राहक उपलब्ध झाल्यास ग्रामीण भागातील रोजगारनिर्मितीला चालना मिळेल, पारंपरिक कला व कौशल्यांचे जतन होईल आणि स्थानिक अर्थव्यवस्थेला बळकटी मिळेल. त्यामुळे महानगरपालिकेच्या अधिकारी-कर्मचाऱयांनी या उपक्रमात सक्रिय सहभाग नोंदवून खादी व ग्रामोद्योगांच्या उत्पादनांचा प्रसार करावा. महानगरपालिकेच्‍या अधिकारी व कर्मचाऱयांनी आठवड्यातील किमान एक दिवस खादीचे कपडे वापरावेत. मुंबईकर नागरिकांनी खादी व ग्रामोद्योग उत्पादनांच्या वापराला प्राधान्य द्यावे, असेही श्री. खणकर यांनी नमूद केले.  या उद्घाटनप्रसंगी महाराष्ट्र राज्य खादी व ग्रामोद्योग मंडळाचे मुख्य कार्यकारी अधिकारी श्री. लक्ष्मण राऊत, सहमुख्य कार्यकारी अधिकारी  रवींद्र ठाकरे, उपमुख्य कार्यकारी अधिकारी श्री. राजकुमार डांगर आणि उपमुख्य कार्यकारी अधिकारी नित्यानंद पाटील उपस्थित होते.

---------------------------------

टिप्पणी पोस्ट करा

0 टिप्पण्या

 READ / SHARE  / FORWARD 
JANATA  NEWS  xPRESS

निरंतर सेवेच्या आर्थिक मदतीकरिता 
for Donation
G pay 8108658970 

संपादक: सुबोध शाक्यरत्न  
M : 8108658970

Email- pr.janata@gmail.com