चीनने तिब्बतमध्ये राबविलेल्या कथित दडपशाहीच्या धोरणांविरोधात आणि नव्याने लागू करण्यात आलेल्या तथाकथित "एथनिक युनिटी लॉ" या कायद्याच्या निषेधार्थ तिब्बती युवा काँग्रेसच्या वतीने सोमवारी मुंबईतील आझाद मैदान येथे निदर्शने करण्यात आली. या आंदोलनात कर्नाटकातील तिब्बती वसाहतींसह महाराष्ट्रातील भंडारा येथून आलेले सुमारे २५० कार्यकर्ते सहभागी झाले होते. या वेळी तिब्बती स्वातंत्र्य चळवळीचे कार्यकर्ते व लेखक टेनझिंग सिंधू यांनी चीनवर गंभीर आरोप करत तिब्बतवरील कथित कब्जा, तिब्बती भाषा, संस्कृती, बौद्ध धर्म आणि ओळख नष्ट करण्याचा प्रयत्न सुरू असल्याचा दावा केला. गेल्या ७० वर्षांत चीनने तिब्बती जनतेवर दडपशाही केली असून लाखो तिब्बतींना त्याची मोठी किंमत मोजावी लागल्याचे त्यांनी सांगितले.
भारताच्या राष्ट्रीय सुरक्षेच्या दृष्टीने चीनकडे गांभीर्याने पाहण्याची गरज असल्याचे मत व्यक्त करत त्यांनी चीनकडून अरुणाचल प्रदेश, लडाख आणि अक्साई चीनबाबत करण्यात येणाऱ्या दाव्यांचा उल्लेख केला. चीन हा भारताचा विश्वासार्ह मित्र नसून भारताने राष्ट्रीय हिताच्या दृष्टीने सतर्क राहिले पाहिजे, असेही ते म्हणाले.यावेळी त्यांनी भारत सरकारला तिब्बतच्या प्रश्नावर ठाम भूमिका घेण्याचे आवाहन केले. चीनची कथित दडपशाही संपेपर्यंत तिब्बती जनतेचा संघर्ष सुरू राहील आणि देशभरातील आंदोलनांची मालिका कायम राहील, असा निर्धारही त्यांनी व्यक्त केला.आंदोलनादरम्यान तिब्बतच्या स्वातंत्र्याच्या समर्थनार्थ आणि चीनच्या कथित धोरणांविरोधात घोषणाबाजी करण्यात आली. विविध भागांतील तिब्बती नागरिक, युवक आणि समर्थक या आंदोलनात सहभागी झाले होते.
शहीद लोबगा रंगझेन यांना आदरांजली वाहण्यासाठी आणि चीनच्या तथाकथित "वांशिक ऐक्य कायद्यांना" नाकारण्यासाठी तिबेटी युवा काँग्रेसच्या वतीने जगभरात साखळी आंदोलने सुरू करण्यात आले आहे. तिबेटी युवक काँग्रेस (TYC) आमच्या स्थानिक युवक काँग्रेस आणि समर्थकांच्या माध्यमातून धर्मशाळा येथून सुरुवात करून जगभरात साखळी आंदोलनाची घोषणा करण्यात आली. ही आंतरराष्ट्रीय निषेध मोहीम शहीद लोबगा रंगजेन यांच्या सर्वोच्च बलिदानाचा सन्मान करण्यासाठी आहे. आंतरराष्ट्रीय स्तरावर जागरूकता निर्माण करण्यासाठी आणि तिबेट हा एक व्याप्त देश असून तिबेटी लोक त्यांच्या स्वातंत्र्यासाठी लढत आहेत, याची जगाला आठवण करून देण्यासाठी त्यांनी आत्मदाह केला.त्यांच्या बलिदानाकडे दुर्लक्ष केले जाऊ शकत नाही, ते दडपले जाऊ शकत नाही किंवा पुसून टाकले जाऊ शकत नाही. जोपर्यंत तिबेटी लोकांचा स्वातंत्र्याचा लढा अग्रस्थानी आणला जात नाही आणि चीनला जबाबदार धरले जात नाही, तोपर्यंत त्यांचा अंतिम संदेश जगभर घुमत राहील, यासाठी आम्ही कटिबद्ध आहोत. असे आजाद मैदानात आलेल्या आंदोलकांनी प्रसार माध्यमांशी बोलतांना सांगितले.
धर्मशाला येथून सुरुवात करून, तिबेटी युवक काँग्रेस जगभरात निदर्शने, मेणबत्ती मोर्चे, जाहीर सभा, जनजागृती मोहीम, राजनैतिक संपर्क आणि शांततापूर्ण कृतींसह उपोषण आयोजित करेल. जगभरातील तिबेटी युवक काँग्रेसच्या शाखा आणि समर्थक एकजुटीने एकत्र उभे राहून या कृती दररोज सुरू राहतील. तिबेटी युवा काँग्रेस चीनच्या प्रजासत्ताकाने लागू केलेल्या तथाकथित "वांशिक ऐक्य कायद्याला" देखील स्पष्टपणे नाकारते. हा कायदा ऐक्याचा कायदा नसून, तिबेट, पूर्व तुर्कस्तान, दक्षिण मंगोलिया आणि मांचुरिया यांसह चीनने व्यापलेल्या प्रदेशांच्या सक्तीच्या विलीनीकरणाची प्रक्रिया वेगवान करण्यासाठी रचलेला एक राजकीय डावपेच आहे.
'वांशिक ऐक्य' या भाषेमागे एकतर्फी नियंत्रणाचा अजेंडा दडलेला आहे, ज्याचा उद्देश राजकीय हेराफेरीद्वारे तिबेटी लोकांना स्वतःमध्ये सामावून घेणे हा आहे. चिनी सरकार स्थानिक मूळ भाषा दडपून, धार्मिक संस्थांना कमजोर करून आणि तिबेटी राष्ट्रीय ओळख नष्ट करून इतिहास पुन्हा लिहिण्याचा प्रयत्न करत आहे. चिनी सरकार सांस्कृतिक वारसा नष्ट करू पाहते, वसाहतवादी निवासी शाळांच्या माध्यमातून मुलांना त्यांच्या समाजापासून वेगळे पाडते आणि मूळ अस्मितांना चिनी कम्युनिस्ट पक्षाप्रती असलेल्या निष्ठेत रूपांतरित करू पाहते.
- यावेळी चीन सरकार, संयुक्त राष्ट्र आणि आंतरराष्ट्रीय समुदायाकडे खालील मागण्या करण्यात आल्या:
- संयुक्त राष्ट्रांचा प्रतिसाद: लोब्गा रंगझेन यांनी संयुक्त राष्ट्रांच्या मुख्यालयासमोर आत्महत्या केल्यामुळे, आम्ही संयुक्त राष्ट्रांना आवाहन करतो की त्यांनी तिबेटमधील गंभीर मानवाधिकार परिस्थितीची दखल घ्यावी आणि ज्या परिस्थितीमुळे त्यांना हे सर्वोच्च बलिदान देण्यास भाग पडले, त्या परिस्थितीवर योग्य आणि औपचारिक प्रतिसाद द्यावा.
- आत्मदाह करण्यास भाग पाडलेल्या तिबेटींसाठी जबाबदारी: लोबगा रंगझेन आणि अनेक तिबेटींना आत्मदाह करण्यासारखे दुःखद पाऊल उचलण्यास भाग पाडणाऱ्या धोरणांसाठी आणि दडपशाहीसाठी चीन सरकारला जबाबदार धरलेच पाहिजे.
- तिबेटच्या सार्वभौमत्वाची मान्यता: चीनच्या ताब्यापूर्वी तिबेट एक स्वतंत्र देश होता आणि आजही चिनी ताब्यात असूनही तो स्वतंत्र आहे. आम्ही आंतरराष्ट्रीय समुदायाला आवाहन करतो की त्यांनी तिबेटच्या ऐतिहासिक दर्जाला मान्यता द्यावी आणि तिबेटी जनतेच्या स्वातंत्र्य व स्वायत्तता परत मिळवण्याच्या हक्काला पाठिंबा द्यावा.
- वांशिक ऐक्य आणि प्रगती कायदा रद्द करा: आम्ही हा कायदा सक्तीच्या आत्मसातीकरणाची एक पद्धत म्हणून नाकारतो आणि तो तात्काळ रद्द करण्याची व संपूर्ण तिबेटमध्ये त्याची अंमलबजावणी थांबवण्याची मागणी करतो.
- सर्व राजकीय कैद्यांची तात्काळ बिनशर्त सुटका: आम्ही जगातील सर्वात लहान वयाच्या तिबेटी राजकीय कैद्याची, तसेच तुरुंगात असलेल्या सर्व पर्यावरण कार्यकर्त्यांची, तिबेटी कलाकारांची, मानवाधिकार कार्यकर्त्यांची आणि इतर सर्व राजकीय कैद्यांची तात्काळ बिनशर्त सुटका करण्याची मागणी करतो.
- कोणतेही सरकार एखाद्या राष्ट्राच्या विरोधात कायदे करून त्याची ओळख नष्ट करू शकत नाही. लोकांची भाषा, संस्कृती, इतिहास आणि आध्यात्मिक वारसा पुसून टाकण्यासाठी आखलेली धोरणे म्हणजे एकीकरण नव्हे, तर सरकारद्वारे केले जाणारे सक्तीचे आत्मसातीकरणच होय.
संयुक्त राष्ट्रांच्या महासचिवांचे प्रवक्ते स्टेफान डुजारिक यांनी तिबेटला 'अल्पसंख्याक' संबोधल्याच्या अलीकडील वक्तव्याचा यावेळी निषेध करण्यात आला. अशी वक्तव्ये ऐतिहासिकदृष्ट्या चुकीची, राजकीयदृष्ट्या दिशाभूल करणारी असून ती केवळ चिनी कम्युनिस्ट पक्षाच्या प्रचाराला बळकटी देण्यासाठी करण्यात येत असल्याचा आरोप यावेळी करण्यात आला. तिबेट हा चीनमधील अल्पसंख्याक नाही. तो एक व्याप्त देश असून त्याचा स्वतःचा वेगळा इतिहास, सभ्यता, भाषा, संस्कृती, धर्म, शासन आणि राष्ट्रीय ओळख आहे. तिबेटला 'अल्पसंख्याक' संबोधणे म्हणजे त्याची राष्ट्रीय ओळख पुसून टाकणे आणि तिबेटी लोकांच्या स्वातंत्र्य व स्वायत्ततेच्या हक्काला कमी लेखण्याचा कुटील डावअसल्याचा आरोपही आंदोलकांनी केला.
आम्ही संयुक्त राष्ट्रांना सत्य आणि निष्पक्षता जपण्याचे आवाहन करतो. त्यांनी चीनच्या तिबेटवरील ताब्याचे समर्थन करणारी किंवा तिबेटी राष्ट्राची ओळख पुसून टाकणारी भाषा वापरू नये. संयुक्त राष्ट्रांचे शब्द जगभरातील मतांना आकार देतात. त्यांनी ताब्याचे समर्थन करू नये. संयुक्त राष्ट्रांनी तिबेटची ओळख आणि तिबेटी लोकांचे हक्क पुसून टाकण्यास मदत करू नये. हुतात्मा लोब्ना रंगजेन यांचे बलिदान हा आमच्या संघर्षाचा शेवट नसून, प्रतिकार, एकता आणि आंतरराष्ट्रीय कृतीसाठी दिलेले एक नवी हाक आहे. त्यांचे धैर्य तिबेटी राष्ट्राच्या अढळ आत्म्याचे प्रतीक बनले आहे. जोपर्यंत तिबेट स्वतंत्र होत नाही, तोपर्यंत त्यांचा आवाज आमच्या चळवळीतून, कृतीतून आणि न्यायाप्रती असलेल्या आमच्या अढळ वचनबद्धतेतून जिवंत राहील. तिबेट एक राष्ट्र होते. तिबेट एक राष्ट्र आहे. आणि लवकरच तिबेट स्वतंत्र होईल. तिबेटला स्वतंत्र करा. चीनला तिबेटमधून हाकलून द्या. असे आवाहन आंदोलकांनी यावेळी केले.
आम्ही कर्नाटकातील मुंडगोड आणि महाराष्ट्रातील भंडारा येथील तिबेटी वसाहतींमधून आलेले तिबेटी निर्वासित आहोत. चीनच्या 'वांशिक ऐक्य आणि प्रगती' या नवीन कायद्याला विरोध करण्यासाठी आम्ही मुंबईत मोर्चे काढायला आलो आहोत. अशी आंदोलने जगभरात आणि संपूर्ण भारतात होत आहेत. आम्ही चीनकडे तिबेटला वसाहतमुक्त करण्याची मागणी करतो. आम्ही तिबेटच्या स्वातंत्र्याची मागणी करतो. चीनचा 'वांशिक ऐक्य आणि प्रगती' हा जाचक नवीन कायदा, चीन आणि चीनच्या ताब्यातील देशांमधील सर्व संस्थांमध्ये स्थानिक भाषांच्या जागी चिनी भाषा आणण्याचा आदेश देतो, ज्यामुळे तिबेटमध्ये तिबेटी भाषा शिकवण्यावर प्रभावीपणे बंदी घातली जाईल. स्थानिक भाषांना नष्ट करणे हा यामागील धोरणात्मक हेतू आहे.
यासाठी आम्ही 2 ऑगस्ट रोजी दादर पूर्व येथील राजगृहात एकत्र जमून डॉ. भीमराव आंबेडकर यांच्या निवासस्थानी आदरांजली वाहिल्यानंतर, दादर पूर्व येथील चैत्यभूमीकडे शांती यात्रा काढली, जिथे त्या पवित्र स्थळी आदरांजली अर्पण करून तिबेटच्या स्वातंत्र्याकरिता प्रार्थना करण्यात आली.. त्यानंतर आज सकाळी १० वाजता दोनशे तिबेटी चर्चगेट स्टेशन ते आझाद मैदान पदयात्रा केली. तिबेटी हुतात्म्यांच्या स्मरण, विशेषतः पावो लोगा रंगझेन यांच्या स्मरणार्थ, ज्यांनी न्यूयॉर्कमध्ये संयुक्त राष्ट्र मुख्यालयासमोर उभे राहून आत्मदाह केला होता. त्याना अभिवादन करून आझाद मैदानातील या आंदोलनाला सुरुवात केली. तिबेटी युथ काँग्रेस ही तिबेटचे स्वातंत्र्य पुनर्स्थापित करण्याच्या आमच्या समान संघर्षासाठी एकत्र आलेल्या तिबेटी लोकांची एक जागतिक संघटना आहे. टीवायसी (TYC) ही सर्वात मोठी तिबेटी स्वयंसेवी संस्था असून, तिचे जगभरात, प्रामुख्याने भारत आणि नेपाळमध्ये, ८८ विभाग आहेत. मध्य भारतातील बांधरा आणि मुंडगोड येथील प्रादेशिक तिबेटी युथ काँग्रेस हे दोन सर्वात मोठे विभाग आहेत. तिबेटी महिला संघटना ही तिबेटच्या हितासाठी कार्यरत असलेली एक चळवळ आहे, जी प्रादेशिक शाखांच्या जाळ्याद्वारे तिबेटी महिलांच्या नेतृत्वाखाली आणि सहभागाने चालते. मुंडगोड येथील प्रादेशिक शाखा ही मोठ्या शाखांपैकी एक आहे. असल्याचे टेनझिंग सिंधू यांनी सांगितले.
0 टिप्पण्या