या वर्षीचा २ ऑक्टोबर हा दिवस स्वतंत्र भारताच्या इतिहासात खूपच वेगळा आहे. तो दसरा म्हणून साजरा केला जाईल, जो वाईटावर चांगल्याच्या विजयाचे प्रतीक आहे. तो महात्मा गांधींची १५६ वी जयंती आणि ज्या दिवशी डॉ. बाबासाहेब आंबेडकर यांनी नागपूरच्या दीक्षाभूमीवर लाखो भारतीयांसह बौद्ध धर्म स्वीकारला होता असा धम्मचक्र परिवर्तन दिन देखील साजरा करेल, तसेच "जय जवान, जय किसान" या घोषणेसह देशाला प्रेरित करणारे लाल बहादूर शास्त्री यांची १२१ वी जयंती देखील साजरी केली जाणार आहे. सद्यस्थितीत द्वेष, असहिष्णुता, कट्टरता, ध्रुवीकरण, फूट पाडणे, बेलगाम भ्रष्टाचार, गुलामगिरी करणारी माध्यमे आणि थेट निवडणूकीतच फसवणूकीचा प्रकार करणाऱ्या या शक्तींकडून देशाचे अपहरण केले जात आहे. भारतीय लोकशाही मागे पडत आहे, देशातील सर्व संस्थांनी त्यांची स्वायत्तता गमावली आहे आणि त्यांची जागा वेगाने हुकूमशाही आणि दडपशाहीने घेतली आहे. देशाच्या स्वातंत्र्य चळवळीच्या मूल्यांमधून जन्मलेल्या अनमोल संविधानाचे विद्रोह आणि दुर्लक्ष आपण पाहत आहोत. देश स्पष्टपणे एका अघोषित हुकुमशाहीच्या वळणावर उभा आहे आणि म्हणूनच सर्व भारतीयांनी या विरोधात उभे राहून द्वेष आणि हुकूमशाहीच्या शक्तींपासून देशाचे रक्षण करण्यासाठी आणि पुन्हा देशाची संविधानिक मूल्ये मिळवण्यासाठी सर्वतोपरी प्रयत्न केले पाहिजेत. याकरिता 'संविधान सत्याग्रह पदयात्रेचे आयोजन करण्यात आले आहे. दिनांक २९ सप्टेंबर ते २ ऑक्टोबर २०२५ या कालावधीत दीक्षाभूमी, नागपूर ते सेवाग्राम आश्रम, वर्धा या दरम्यान ही संविधान यात्रा होणार आहे.
२९ सप्टेंबर रोजी सकाळी ६.३० वाजता, सर्व पदयात्री दीक्षाभूमीवर एकत्र येतील आणि वर्धा येथील सेवाग्राम आश्रमाकडे जाणारी आमची पदयात्रा सुरू करतील, जी ४ टप्प्यात एकूण ९२ किमी अंतर पार करेल. २९ सप्टेंबर, बुटीबोरी (नागपूर जिल्हा, २६ किमी) येथे थांबा. या दिवशी देशाला काळीमा फासणारे कुप्रसिद्ध खैरलांजी हत्याकांडाचा जाहिर निषेध करण्यात येईल. ३० सप्टेंबर, खडकी येथे मुक्काम (नागपूर जिल्हा, २७ किमी), 1 ऑक्टोबर, नलावडी येथे थांबा (वर्धा जिल्हा, 27 किमी), २ ऑक्टोबर, सेवाग्राममध्ये आगमन (वर्धा, १२ किमी) जेथे सकाळी १०.०० वाजता चरखा सभाग्रह येथे जाहीर सभा आयोजित करण्यात आली आहे. ज्यामध्ये अनेक राजकीय, नागरी समाज, इतर व्यक्तिमत्त्वे आणि नेते सहभागी होतील. राष्ट्राच्या इतिहासातील एका महत्त्वाच्या क्षणी ही पदयात्रा आयोजित केली जात आहे, आणि म्हणूनच स्वातंत्र्यलढ्याचे नेतृत्व करणाऱ्या आणि आपल्या संविधानाच्या आणि लोकशाहीच्या रक्षणासाठी दृढनिश्चयीपणे उभे राहणाऱ्या शक्तींच्या एकतेचा संदेश देण्यासाठी प्रत्येक भारतीय नागरिकाची उपस्थिती अत्यंत महत्त्वाची ठरेल. तरी सर्व संविधान प्रेमी जनतेने या संविधान यात्रेत मोठ्या संख्येने सहभागी व्हावे, संपूर्ण पदयात्रेत सहभागी व्हावे असे आवाहन आम्ही भारताचे लोक चळवळीचे तुषार गांधी, फिरोज मिठीबोरवाला, गुड्डी एस.एल., शरद कदम, अली भोजानी तसेच पदयात्रा आयोजन समितीचे संदेश सिंगलकर, जगजित सिंग, अविनाश काकडे, अतुल शर्मा, सुदाम पवार यांनी केले आहे.
- अधिक माहितीसाठी
- फिरोज मिठीबोरवाला: +919029277751
- गुड्डी एस. एल: +917738082170
0 टिप्पण्या