लाडकी बहीण योजनेसाठी एससी-एसटीच्या हक्काच्या ₹४६०१.१३ कोटी निधीची लूट करण्यात आली. एससीचे ₹३५९४.०३ कोटी, एसटीचे ₹१००७.१० कोटी रुपये हे वळवण्यात आले आहेत. याविरोधात बहुजन वंचित आघाडीने आक्रमक भूमिका घेत आज औरंगाबाद आणि यवतमाळ येथे राज्याचे सामाजिक न्याय मंत्री संजय शिरसाट आणि आदिवासी मंत्री अशोक उईके यांच्या घरावर मोर्चा काढत आंदोलन केले. वंचितचे जिल्हाध्यक्ष डॉ. निरज वाघमारे यांच्या नेतृत्वात शेकडो कार्यकर्ते आणि नागरिकांनी आदिवासी विकासमंत्री उईके यांच्या येथील आर्णी मार्गावरील राजा-राणी अपार्टमेंटमधील निवासाला घेराव घालण्याचा प्रयत्न केला मात्र पोलिसांचा प्रचंड फौजफाटा तैनात करण्यात आला होता. त्यांनी आंदोलकांना ताब्यात घेवून स्थानबद्ध केले.
निर्णय आमच्यासाठीच हवा! सरकार हम से डरती है पुलिस को आगे करती है! अशा घोषणा देत आंदोलन कर्त्यांनी जोरदार निदर्शने केली.
सरकारच्या सांगण्यावरून पोलिसांकडून दडपशाहीने वंचित बहुजन आघाडीच्या पदाधिकाऱ्यांना ताब्यात घेण्यात आले, सरकारने काहीही केले तरी आम्ही एससी एसटीचे हक्काचे ₹४६०१.१३ रुपये परत मिळे पर्यंत शांत बसणार नाही असा आक्रमक पवित्र वंचित बहुजन आघाडीच्या पदाधिकाऱ्यांनी घेतला. अनुसूचित जाती घटकातील ३५९४.०३ कोटी आणि अनुसूचित जमाती घटकातील १००७.१० कोटी, असा एकूण ४६०१.१३ कोटींचा निधी महिला व बालविकास विभागाकडे वळविण्यात आला आहे. हा निधी अनुसूचित जाती-जमातींचे शिक्षण, शिष्यवृत्ती, आरोग्य, पाणीपुरवठा, सामाजिक- आर्थिक विकास तसेच दलित व आदिवासी वस्ती विकासासाठी वापरला जाणे अपेक्षित असल्याचा दावा यावेळी आंदोलकांनी केला.
सरकारच्या सांगण्यावरून पोलिसांकडून दडपशाहीने वंचित बहुजन आघाडीच्या पदाधिकाऱ्यांना ताब्यात घेण्यात आले, सरकारने काहीही केले तरी आम्ही एससी एसटीचे हक्काचे ₹४६०१.१३ रुपये परत मिळे पर्यंत शांत बसणार नाही असा आक्रमक पवित्र वंचित बहुजन आघाडीच्या पदाधिकाऱ्यांनी घेतला. अनुसूचित जाती घटकातील ३५९४.०३ कोटी आणि अनुसूचित जमाती घटकातील १००७.१० कोटी, असा एकूण ४६०१.१३ कोटींचा निधी महिला व बालविकास विभागाकडे वळविण्यात आला आहे. हा निधी अनुसूचित जाती-जमातींचे शिक्षण, शिष्यवृत्ती, आरोग्य, पाणीपुरवठा, सामाजिक- आर्थिक विकास तसेच दलित व आदिवासी वस्ती विकासासाठी वापरला जाणे अपेक्षित असल्याचा दावा यावेळी आंदोलकांनी केला.
15,000 कोटी स्पेशल फंड म्हणून ठेवला असताना, 2.5 कोटी लाभार्थी होते, 29,000 कोटींची आर्थिक तरतूद होती, तरीसुद्धा दर महिन्याला एससी-एसटीच्या निधीतून 443 कोटी रुपये वळते का करण्यात आले? जर सरकारकडे लाडकी बहीण योजनेच्या लाभार्थी जेवढ्या होत्या, त्यापेक्षा अधिकचा निधी होता, तो न वापरता त्याचा काय घोटाळा केला, हे महाराष्ट्राच्या जनतेला सरकारने सांगावे. - : राजेंद्र पातोडे. प्रदेशाध्यक्ष, वंचित बहुजन आघाडी
0 टिप्पण्या