टिपू सुलतान नावाचा विरोध करणाऱ्या भाजपाचा दुटप्पीपणा... ध्रुवीकरणाच्या अजेंड्याकरिता विकृत धर्मांधतेचे राजकारण .
२०१२ – अकोला महानगरपालिका स्थायी समिती सभागृहाचे नाव “शहीदे वतन शेरे म्हैसूर टिपू सुलतान” ठेवण्याचा ठराव भाजपानेच मांडला. सूचक: माजी महापौर व सध्याचे भाजपाचे अकोला महानगर निवडणूक प्रमुख व माजी महानगर भाजप अध्यक्ष विजय अग्रवाल.
२०१३ – मुंबईच्या एम/पूर्व वॉर्डातील रस्त्याला “शहीद टिपू सुलतान मार्ग” नाव देण्याच्या भाजपा नगरसेवकाच्या प्रस्तावासाठी भाजपाचे नगरसेवक दुथडी भरून उपस्थित तर होते पण सध्याच्या महापौर रितू तावडे यांचे नाव वर दिसेल बरं!
भाजपा नेते व कर्नाटकचे माजी मुख्यमंत्री बी. एस. येडीयुरप्पा यांनी टिपू सुलतान यांच्या कबरीवर जाऊन अभ्यागत वहीत गौरवोद्गार नोंदवले.
२०१७ – कर्नाटक विधानसभेत राष्ट्रपती राम नाथ कोविंद यांनीही टिपू सुलतानाकरिता गौरवोद्गार काढले होते.
भाजपाला आधी प्रेम होते पण ध्रुवीकरणाच्या अजेंड्याकरिता आज टिपू सुलतान वाईट झाला या दुटप्पीपणाला काय म्हणावे?
टिपू सुलतान हे खरेच राष्ट्रवादी, समतावादी, सेक्युलर होते.त्यांना मैसूर चा वाघ म्हणून ओळखले जाते.त्यांच्या काही गोष्टी ज्याचा जास्त प्रसार झालेला नाही.
१) अस्पृश्य स्त्रीयांना स्तन झाकण्याचा अधिकार हा सर्व प्रथम हैदर अली व नंतर टिपू सुलतान यांनीच दिला.
२) समाजातील सर्व लोक समान आहेत, कोणीही उच्च/निच नाही.याचा प्रचार केला.
३) पेशव्यांनी जेव्हा शंकराचार्यांचा मठ लुटला,तेव्हा शंकराचार्यांना संरक्षण देऊन त्यांच्या मठाची उभारणी करून दिली.
४) पेशव्यांनी जेव्हा मंदिर लुटली,त्यांचा विध्वंस केला तेव्हा मंदिरांना संरक्षण देऊन त्यांचा पुनर्विकास केला.
५) ब्रिटिशां बरोबर शेवट पर्यंत लढा दिला.
६) भारतात सर्वप्रथम आधुनिक फ्रेंच बनावटीचे तोकखाणे,बंदुके यांचा वापर केला.
७) ब्रिटिशांच्या विरोधात सर्वांनी एकत्र येऊन लढा द्यावा.यासाठी प्राणपणाने प्रयत्न केले.
असे हे थोर राष्ट्रप्रेमी टिपू सुलतान होते.
0 टिप्पण्या