महाराष्ट्र आरटीओ विभागातून सेवानिवृत्त अधिकाऱ्याचे सर्व जिल्ह्यात वसुली रॅकेट

 आर.टी. ओ. कार्यालयामध्ये वाहन चालक व मालकांची गाडी पासिंग व ड्रायव्हर लायसन्स रिनिव्ह करण्याच्या नावाखाली आर्थिक लूट होत आहे. राज्यातील सर्व चेक पोस्ट वर पेपर तपासणीच्या नावाखाली वाहन चालक व मालकांची मोठ्या प्रमाणात आर्थिक लूट केली जाते. महाराष्ट्र आरटीओ विभागातून सेवानिवृत्त झालेला अधिकाऱ्याने संपूर्ण जिल्ह्यातून वसुलीचे रॅकेट सुरू केले आहे. आरटीओ विभागाशी संंबंधित सर्व कामे केवळ आपल्याच मार्फत व्हावीत यासाठी त्यांने बहुतांश जिल्ह्यातून आपली माणसे नेमली आहेत. तसेच संबंधित जिल्ह्यातील आरटीओ विभागातील प्रमुख अधिकाऱ्यांनाही या रॅकेटमध्ये सामावून घेतले आहे. तुमचे पाकीट तुमच्यापर्यंत पोहोचेल तुम्ही फक्त मी सांगेन तीच कामे करायची असा धमकीवजा आदेश त्यांनेे अधिकारी वर्गाला दिला आहे. माझा आदेश पाळला नाहीत तर तुमची बदली कुठे होईल हे तुम्हालाही माहिती होणार नाही. अशी थेट धमकी न ऐकणाऱ्या अधिकारी कर्मचारी वर्गाला देत आहे.   अशा तऱ्हेनेे महाराष्ट्राचा प्रचंड महसूल बुडवण्याचे काम हा सेवानिवृत्त अधिकारी करीत असल्याचा आरोप बहुद्देशीय वाहतुक चालक मालक माथाडी मंडळाचे डॉ. पा़डोळे यांनी केला आहे. 

याबाबत प्रसिद्धीस दिलेल्या पत्रकात भ्रष्टाचारी सेवानिवृत्त अधिकारी बजरंग खरमाटे व  त्याची टीम यांची नावे जाहीर केली आहेत. ज्यामध्ये  म्हेत्रेवाल T.C office, ताम्हणकर A.rto रत्नागिरी, राजू नागरे imv (निलंबित acb ट्रॅप), गीता- सोनाली शेजवळ, imv (acb ट्रॅप झाला) हिचे पती आभिजीत मांढरे, कल्याण imv (acb ट्रॅप  झाला.) आहिल्यानगर, अकार्यकारी नेमणूक, आयशा पठाण imv आहिल्यानगर हिचा भाऊ उबेदभाई  (acb ट्रॅप)   हा  जिल्ह्यातील मलिदा गोळा करतो, imv गर्जे शिरसाठ, imv आहिल्यानगर (स्वतचे पतीराज खाजगी एंजट पैसे जमा करतात), योगेश खैरनार, imv नागपूर ( चौकशी चालू) A.rto ओतारी नागपूर वसूली रॅकेट चालवतो. वर्धा चौधरी imv वसूली रॅकेट चालवतो, नाशिक पाटील- a.rto वसूली दरमहा करतोच, ठाणे- काटकर dy.rto. राकेश पाटील imv पुर्ण ठाणे वसूली चालवतात. सांगली- गालिंदे imv, गुरव imv, गाजरे dy.rto हे सांगली-कराड, सातारा कोल्हापूर NH-04 हायवे स्वताः हा अपरात्री थांबून एंजट मार्फत पैसे वसूली करतात. सोलापूर- विशाल यादव IMV. सर्व जिल्हा दरमहा वसूली करतो यांचे साडूभाऊ जाधव, दहशात करून वसूली करतात. अकलूज- सय्यद IMV वसूली जोरात चालू आहेच. बारामती IMV कोराळे वसूली करतो, पुणे संदिप मुरकुटे IMV. बागवान, विनोद जाधव वसूली करतात. 

हि मंडळी बेकायदेशीर वसूली हप्ते दरमहा नेमुन दिलेल्या एंजट मार्फत करोडो रुपये घेतात व खरमाटे मार्फत, मंत्रालय, वारिष्ठ, सनदी, परिवहन अधिकारी यांना भरगच्च पाकीटे देतात. त्यामुळे हे सारे मिलीभगत नुसार मागील काही वर्षापासून महाराष्ट्रातील बहुतांश जिल्ह्यातून सुरु आहे.  दरमहा RTOची रक्कम शासनाला भरणा न करता खरमाटे टीम  बेकायदेशीरपणे आपले खिसे भरत आहे.  हप्ते वसुलीबाबतचा मोठा भ्रष्टाचार तसेच वाहन चालक मालक यांची आर्थिक लूट होत असुन  वाहन चालकांवर होणाऱ्या या अन्यायाविरुद्ध शासनाने तातडीने कारवाई करावी. तसेच  याबाबत ठोस भूमिका घेऊन संबंधित अधिकाऱ्यांना बोलावून त्यांची चौकशी व्हावी.  खरमाटे याच्या मालमत्तेची  उच्चस्तरीय  SIT,  acb. मार्फत चौकशी करण्यात यावी. तसेच या भ्रष्टाचारी रॅकेटची  उच्चस्तरीय / निवृत्त न्यायाधीश मार्फत चौकशी करावी अशी मागणी वाहतुक संघटनेचे उपाध्यक्ष शिवाजीराव भाऊसाहेब गव्हाणे यांनी केली आहे.  या भ्रष्टाचार प्रकरणाची शासनाने त्वरीत दखल घेऊन चौकशी करावी या मागणीकरिता 1 मे रोजी मुंबई येथे संघटनेच्या वतीने आत्मदहन करण्यात येईल असा इशारा डॉ.पाडोळे यांनी दिला आहे.