जागतीक शांततेसाठी सर्वधर्मीय बांधवांनी केली प्रार्थना :

 बहाई धार्मियांच्या रिझवान सनाचा नववा दिन हर्ष उल्हासात संपन्न : : 

मुंबईतील बहाई सेंटर येथे बहाई धार्मियांच्या रिझवान सनाचा नववा दिन हर्ष उल्हासात संपन्न झाला. यावेळी बहाई धर्मीय बांधवानी राष्ट्रीय एकात्मता आणि जागतीक शांततेसाठी सर्वधर्मीय प्रार्थना केली.“एकतेचा प्रकाश इतका सामर्थ्यवान आहे की, तो संपूर्ण पृथ्वीला प्रकाशित करू शकतो.” हे बहाउल्लाह यांचे म्हणणे आहे.रिझवानच्या नवव्या दिवसाच्या या आनंददायी प्रसंगी जो या युगातील ईश्वराचे प्रकटीकरण असलेल्या बहाउल्लाह यांच्या घोषणेचे स्मरण करणारा एक पवित्र असा हा बहाई सण आहे आहे असे बहाई सेंटरच्या सेक्रेटरी नर्गिस गौर यांनी म्हटले.

मुंबईतील बहाई बांधव ‘शांतता आणि एकतेसाठी’ आयोजित एका प्रेरणादायी ‘सर्वधर्म प्रार्थना सभेसाठी’ एकत्र आले.या जगात एक मेकांच्या प्रति विश्वास, सलोखा आणि परस्पर समजुतीची नितांत गरज आहे, अशा या जगात विविध धर्मांचे अनुयायी भक्ती, बंधुभाव आणि एकतेच्या भावनेने एकत्र जमले. हे संमेलन बहाईंच्या त्या दृष्टिकोनाचे प्रतिबिंब आहे, ज्यानुसार खरी शांतता केवळ मानवतेच्या एकतेतून आणि ‘आपण सर्वजण ईश्वराच्या छत्राखालील एकच कुटुंब आहोत,’ या जाणिवेतूनच साध्य होऊ शकत आहे असे चंद्रकांत बुटले यांनी यावेळी आपले विचार प्रकट करताना म्हटले.

या कार्यक्रमात विविध धर्मांतील वाचन आणि प्रार्थनांचा समावेश करण्यात आला होता. महवश रोहानी यांनी विविध श्रद्धांच्या पवित्र ग्रंथांमधून निवडलेले सुंदर उतारे सादर करून, या संमेलनाला आध्यात्मिक खोली आणि प्रेरणा प्रदान केली.या सायंकाळचे एक विशेष आकर्षण म्हणजे ‘इस्कॉन’चे प्रभू केशव चंद्र दास यांची उपस्थिती होय. त्यांनी हरे रामा हरे कृष्णा हे एक सुंदर भक्तिगीत सादर केले, तसेच शांततेच्या खऱ्या गाभ्यावर अर्थपूर्ण विचार मांडले; ज्यामुळे या प्रसंगाला एक गहन भक्तिमय वातावरण प्राप्त झाले.  या संमेलनाचे सूत्रसंचालन शत्रुघ्न जिवनानी यांनी केले. हे संमेलन जगामध्ये शांतता, एकता आणि सलोखा प्रस्थापित करण्यासाठी मनापासून अर्पण केलेली एक पुष्पांजली ठरली.

हा उपस्थित असलेल्या सर्वधर्मीयलोकांच्या सुंदर मनाचा अर्थपूर्ण मिलाफ होता; जिथे एकतेच्या भावनेने सर्व मतभेद दूर सारले गेले आणि अनेक धर्मांचे लोक शांततेसाठी प्रार्थना करण्यासाठी एकजुटीने उभे राहिले.        संपूर्ण मानवजात हे एकच कुटुंब आहे आजच्या युद्धमय परिस्थितीत त्यांचे संरक्षण व्हावे त्यांच्या कल्याणासाठी एक अधिक शांततापूर्ण आणि सलोख्याचे जग निर्माण व्हावे असा आमचा उद्देश असल्याचे नर्गिस गौर यांनी म्हटले.